ابداع الراوي الشرهان

ايميلات - قصيدة طريفة : لي ديك ضبط توقيته ... القصيده بصوت الراوي الكبير/محمد الشرهان ,, وهي قصة الديك كان يصحي صاحبه لصلاة الفجر لكن القط اللي يسميه البزوني ينقض على الديك و يقتله ..

ولكن ذلك صعب على نفسه و على اطفاله ووعدهم بالانتقام من القط و تعويضهم واحد ثاني .. و القصيدة للشاعر عبدالمحسن بن ناصر الصالح رحمه الله من مدينة عنيزة ..





نص القصيدة:


لي ديكٍ ضبط(ن) توقيته
يوعي النايم تصويته
لولا طيبه ما شريته
بريال وقرش الدلالي
لكن ممدوحن لي طيبه
ترتيب الساعة ترتيبه
لولا آذانه وش ابيبه
مانيب في سن الجهالي


عجين الحنطه ماكوله

مع ما حصل من محصوله

الحكي كثره وشهوله

ياكل مع بنتي وعيالي

من غليه عندي عززته

بأربع فرخات جوزته

كني سلطان من حزته

القصد انه عندي غالي

ويصور لنا في المقطع الثاني (23-40) طريقة موت الديك تحت اسنان القط الذي ارسله جيرانه الذين حسدوه عليه، ولعل اجمل ابيات هذا المشهد - في نظري - هي الابيات التي تنقل لنا الحوار الذي دار بين الدجاجات (زوجات الديك!) بعد احساسهن بمقتله، وفي هذه الابيات تصوير حركي بديع (يرقص - يلعب - ينفض) اشاع في المشهد جواً من الحيوية والطرافة:

حدى زوجاته حست به

لكن موته مادريت به

قالت يا اختي رجلك وش به

يرقص كنه فيه هبالي

قالت يلعب لعب العرضه

أو ينفض بشته فيه ارضه

والا الريس يقضي فرضه

لا والله طاح الرجالي

جت لمه قالت لاباس

وراك نيم بالساس

يا خواتي ماله راس

وين رويسه واعزالي؟

صاحت من ذا فنه فنه

واعقلهن قالت غطنه

وادعن للميت بالجنه

عمر الشمس وفيه زالي

وينتقل بنا الشاعر بعد هذه الابيات مباشرة للمشهد الثالث (41-37) الذي يبدأ من سماعه لصراخ ابنائه بعد علمهم بمقتل الديك، ومن ثم تصوير رحلة البحث عن القط القاتل:

انا قاعد عند دلالي

والى حس صياح عيالي

واقحص واصبخ بالفنجالي

عجل مذعور مهتالي

وكما استمعنا لصوت الدجاجات في المشاهد السابق، ينقل لنا الشاعر هنا صوت ابنه الصغير "سليم":

قال سليم يا باباه

شب البندق في علباه

دام السرقة في مخباه

تشهد عن لوم العذالي

اثر الدنيا عابيه له

تبرم للديك وتفتل له

ماهي بالموت آوية له

ماهوب اول ولا تالي

عبيت البندق من حيني

قلت ان جاء صيروا صاحيني

واثره بالصفه يوحيني

من صبحه فيها نزالي

بالثاريه ديك سليم

تسرق وتقابل يا دغيم

طخيته والاه مخيم

شروى شن الدلو البالي


http://www.safeshare.tv/v/vxQJJZi395c

عاد لا تصدقون إن الديك كمل الأذان في بطن القط ,,,,,,,,,,