الميزانية القادمة هل هي ألمٌ ! أم أمل ؟

السنه هذي ناس كثير لم يستطيعوا شراء الاضحيه على ضخامة ميزانيه العام الماضي ..

انا اقول لك
امل للاجانب والمغرب ولبنان وغيرها
الم لضعاف ربي السعوديين
لا تنتظر خير من عملاء امريكا

نسأل الله من فضله

كالعادة كل سنة نامل خير ومانشوف ملينا من الاشاعات ماتوقع فيه جديد

رقم 2 من تقصد عملاء امريكا

اكيد يقصد اللي انت عارفهم وجالس تسال عنهم

عرفنا عليهم هل يقصد الحكومة اذا كان كذالك يحمد ربة انة واهلة بامن وامان ونعمة
الا ترون من حولنا
حروب وقتل وتدمير وفوضى عارمة
حكومة تطبق الاسلام ومبادئ الاسلام لايوجد دولة تطبق الاسلام مثل الدولة السعودية
ولا يوجد دولة خالية من اخطاء ولكن والحمد لله نعتبر من افضل الدول بقيادة والدنا خادم الحرمين الشرفين حفظه الله واطال الله في عمره

انت سالت
وانت جاوبت وحطيت الاحتمالات والاجابات يعني انت تعرف من يقصد
وش تبي بالرجال طيب؟تبي تورطة يعني؟
الرجال قال راية
وانت رديت عليه
وصلى الله وبارك
الناس قامت تشحذ ونصها بالسجون والميزانية ارقامها لاتعد ولاتحصى
والمساعدات كلها خارج المملكة!
ماله حق يزعل يعني؟

وش فيكم تسألون عن اشياء محرومين منها !!!

اعمل لأخرتك وخل اهل الدنيا يتهنون في الميزانية

روق يالحبيب وراك انتفضت انا اعلمه ماذا يحصل خارج الحدود

اقول عندي كمبيوتر لابتوب للبيع حاطة للبيع تشتري؟
هذا رابط الاعلان
http://www.mstaml.com/section/item.php?i=1687909

فعلا يا اخوان الحال يحتاج لاصلاح جذري ومن جميع النواحي ومالنا الا الصبر والدعاء لان الوضع المعيشي لاي مواطن المفروض يعيش بحال افضل من ما هو عليه حاليا وهذا الشي لايختلف عليه اثنين. حسبنا الله سيؤتينا الله من فضله إنا الى الله راغبون

انا اقولك وانا على ما اقول شهيد

راح ادخل السجن بعد كم شهر على مبلغ 30 الف

ما راح اقول مثل رد 2 عشان ما اكلها اكثر

لكن بقول حسبي الله ونعم الوكيل على من كان السبب في تردي اوضاعنا

حتى بنك الفلس رحت له ودخلت على مديره اقول له انا بدخل السجن وافق لي على قرض الاسره لن عمري اقل من 30 وعندي الاثباتات قال ابشر بدرس موضوعك واطلع من عنده قال لي السكرتير انه موافق خلاص وبيرفعون طلبك للصرف واراجعهم اسبوعين وبالاخير جاني رفض اروح للسكرتير استغرب قال لي موضوعك انتهى المدير وافق لك قلت جاني رفض
طلع المدير من المكتب واقابله قلت له مو انت موافق قال لا انا ما كتبت موافق قلت سكرتيرك يقول انك موافق السكرتير ارتبك ولا عرف يتكلم قال المدير هو عطاك موافقه مبدئيا حسبي الله ونعم الوكيل والله انهم غبنوني

المشكله قبل ما اقابل المدير اخر مره قبلها بالليل طالع مع الشريان قال بنعدل الشروط
وعند الله تلتقي الخصوم

الان يجي واحد مطفي اللمبة وصاقع العالي ويقول لك امن وامان

صاحب الموضوع يبغى يشعل نار الفتنه تبغى المدح من ناس طفرانه وعلى وشك تسجن وضايع حقها ومظلومه بدوله اسلاميه تطبق الشريعه اذكر الله وترك المواضيع لي تفجر غضب المواطن كلنا نقول الحمدلله على الامن والامان والله يديم حكومتنا والله يفتح عقولها على شعبها المسكين
نعم نحن بنعمه من الامن ولكن بضيق وهم

اي فتنه ي مطفي النور

نحتاج اصلاحات في كل شي اذا انت الله مغنيك وانت جالس ترد على نفسك هنا

((من ناس طفرانه وعلى وشك تسجن وضايع حقها ومظلومه بدوله اسلاميه تطبق الشريعه))

ياخي حتى المتنفس الوحيد الكتابه ما تبغونا نكتب حسبي الله ونعم الوكيل

ياحبيبي والله اني اطفر منك وانا ماعرفك ولاتعرف عن حالي شي لكن ليه تقهرنا وتزيد همنا هم بموضوعك التافه الي لايغني ولايشبع من جوع تبينا نقولك والله اتوقع الملك راح يعطيك جيب لكزس وعماره على شارعين وراح يسدد ديون خلق الله وراح توزع بيوت بالمجان من وزارة الاسكان
وراح يحج الشعب السعودي ببلاش وراح يمشي راتب للعاطل 5 الاف اذا كان متزوج وراح يمشي للارامل والمطلقات عشر الاف شهرين وش تبينا نقولك ترى اقدر اتحسب عليك انا بعد بس مراح اتحسب عليك لان الله عارف ما بقولبنا وتذكر الملائكة تقول ولك بالمثل
وعلى فكره قسم بالله اني مثلك وعلي ثلاث شيكات بدون رصيد وكامل المبلغ 52 الف يعني العن منك وشيكات بعد هذي قضيه لحالها لكن بتقولي الحكومه تدري عن موقع مستعمل ولا واحد من الامراء متنكر بكونه عضو والله محد درا عنا وراح انام من هل موضوع مغبون هذا مقصدي ابغى انسى شي وبيصير ولا احد دراعنا يعني شي للحكومه يطلعونه من عينك شي لك والله ليضيع بدروج الموضفين هذي ديرتنا وهذا ماشفناه وعرفناه بس انتهاء

حسب الاوضاع الحالية للعالم من أزمة مالية
وماتمر به المنطقة ..
والحمل الذي حملته المملكة على اكتافها بدعم الاقتصاد المصري ..
ف إن الامور تكاد تكون واضحة للعيان

يا جماعة الخير ..
المملكة والمنطقة بشكل عام تمر هذه الفترة في معضلة تاريخية ومفصلية تحدد هوية المنطقة بشكل كامل لعدة سنوات .. لذلك لا نكن اداة في الضغط على الحكومة اكثر واكثر ..

حقيقة ..
والله الذي لا اله الا هو اتكلم وانا اليوم مار على الصراف وسحبت منه آخر 200 ريال لاخر الشهر
يعني مادري كيف راح امشي حالي .. ولكن الله كريم ..

ولكن اللي لازم نعرفه انه الفترة هذه صعبة جداً جداً جداً
فيها يتم تحديد توجهات الدولة والشعب لاعوام ..

امريكا اللي هي امريكا .. القوى العظمى بالعالم .. واقوى اقتصاد واقوى دولة في العالم
وفيها مشكلة اقتصادية .. وتم التوقيع على رفع سقف الدين العام بشكل استثنائي إلى شهر يناير القادم ...

0 انا شخص ماني اقتصادي ولا اعرف في الاقتصاد شي 0
ولكن حسب تفسيري ان ارتفاع الدين العام لامريكا .. يعني امريكا ماهي لاقية من يعطيها فلوس ولاهي قادرة على توفير مبالغ .. والدول اللي تدعم امريكا ( منها السعودية ) ماشية على نفس الخطى ... يعني حالنا مرتبط بهم ..
والان الدولة جالسة تسعى على فك الارتباط وتعديل الخطأ القديم ... وهذا الشي راح يكلف الدولة كثييييير ..
فلوس مرهونه في البنوك المركزية - ذهب - امن - راح يفتح علينا نيران من الداخل والخارج
والدول العظمى راح تشغل عملائها في الداخل والخارج ...

لذلك اتمنى ان تمر المرحلة هذه على خير ... وان لا نضطر في يوم من الايام للذهاب للصراف لسحب مبلغ مالي .. ويقولك الصراف اعتذر لك مافي فلوس ...


والله اعلم

اقول ياشباب احد عنده سلف 500 للراتب

كالعادة مجرد ارقام - لا تعنينا في شيء
سواء قلت ام كثرت

الخلاص

انا مو صاحب الموضوع

وانت شوف ردك الاول وتعرف ليش استفزيتني

الله يفرج عنا وعنك وعن سائر المسلمين