ملعوب علينا من محلات الجوال

معلومات جدا مفيدة .. شكرا لك أخي تشليح_ارخص_الاسعار ..

بس السؤال كيف يبيعني اللي في امريكا ب 3 و 4 ريال مع الشحن ؟ يعني معقولة الشحن والتغليف يكون عليهم بنص ريال مثلا ؟
انا اذكر ارسلت رسالة عادية بالبريد السعودي وكلفتني 5 ريال لأمريكا .. بريد بس...

يا اخوان لا تروحوا بعيد
انا اعطيكم معلومة تبين لكم الضحك على اصوله
طبعا الكل فيكم يعرف الاستيكر الاصق الذي يوضع على شاشة الجوال للحفاظ على الشاشة من الخدوش --- منه (الشفاف والاسود والزجاجي )الذي يشبه المراه
تقريبا معظمنا مستخدمها وانا من الناس شريتها بالتركيب ب 10 ريالات
انا شخصيا في شهر رمضان الماضي كلمني صاحب محل شهير ذو فروع اخبرني انه يبيعها بالجملة للمحلات بسعر 0,40 أو 0.50 هللة للواحده طبعا هذا السعر للجملة وخاص بالمحلات والكشكات التي تبيع اكسسوارات الجوالات
الشاهد هنا : انظر بكم يشرونها وبكم يبيعوها على الافراد
فما بالك بهذا التاجر بكم هو شاريها اصلا طالما بيبيعها بالجملة ب 0,40 أو 0,50
وسوق على هذا المبداء الكثير من السلع
وحنا يا غافل لك الله ..:

معلومة من شخص مجرب بيع اكسوارات الجولات
قال لي : نشتري الاكسوارات بالكيلو ( بالوزن ) تطلع الحبة اقل من نصف ريال !!

افتحوا محلات وجربوا
انت الان تطالع في شئ معين يخصك
لكن المحل مليان طلبات وكل زبون له طلب معين
وهل كلها تباع ممكن ربعها يخرب والباقي احيانا يقدم هدايا للزبائن المميزين
غير كذا
كم إيجار المحل كم رواتب المؤظفين كم حق البلدية
انت جالس ببيتك وتحسب الشغلة سهلة
للمعلومية ليس لدي محل ( لكن الرزاق بالسماء والحاسد بالأرض )
فقط اعمل مثلهم هذه الشطارة
وبعد كذا والله اتحداك تبيع بالسعر اللي انت ترضاه لنفسك الان

ياجماعه هذي تجارة والناس تترزق .. دام البايع والمشتري راضيين .. الحمدلله
واعتبر الزيادة حق التركيب اخوي ...
انا اخذت من ايباي .. 6 حامي شاشة للجالكسي جيت اركب الاول ماعرفت
اضطريت اني اروح لراعي جوالات يركبه لي بخمسه ريال..
... انا كانت الفكرة ببالي اجيب اكسسوارات من برى او من هنا وابتدي بمشروع محل او كشك صغير ..
لكن الحين الغيت الفكرة ... هذي مشكلتنا هنا اذا جا الواحد يبي يترزق قالوا نصاب ..

شي جميل

معليش ترا المرسل من HK, Hong Kong وليس من أمريكا

لايحق ان تقول ملعوب علينا ومايصير انك تقارن لاسباب كثيره انت لو بتفتح محل بتبيع مثلهم - الناس احرار في بيعها لو يكسبون اضعاف - التجار الاجانب يكسبوا بسيط وفي الجمله ايضا مكسبهم بسيط - لكن هنا الوضع يختلف
فكل شئ غالي من غذاء كهرباء ايجارات وامور كثيره اخرى تجعل التجار هنا يبيعوا بأكثر من الاجانب ام بالخارج ارخص منا بكل شئ -

وبعدين الشعب السعودي يضع امواله في اشياء تافهه اي انه مسرف لأبعد درجه ويشتكي من الغلاء !!!

شكرا لك.

28. بقلم: alfares99

هذا كلام العقل..

الله يجزاك خير..

----------

وللاخ الكريم صاحب الموضوع
أسألك بالله كم كلفك الشحن؟

السلام عليكم

تعرفون ذاكرة البلاك بيري أكبر حجم !؟!

قيمتها من 40 إلى 60 ريال

أنا كلمة اليماني اللي في بقالتنا يجيب لي وحده من المجمع ! راح جابها ب10 ريال !!

قلت وش ذا ؟ قال عادي أعرفهم اليمانين اللي هناك اصحابي !!!!

السؤال هو : كم القيمه الحقيقيه ؟

31. بقلم: النرجس

الذواكر تختلف يا غالي
منها الي تتلف بسرعه وسرعة القراءة فيها بطيئه
حتى لو سعتها صغيره لا تتجاوز 512 ميجابايت
وفيه ذواكر مخصصه لكل شي وذواكر مخصصه للبيانات
مثل ذواكر الكاميرات الرقمية
تجدها بنفس مقاس ذاكرة الجوال الصغيره الي بحجم الاظفر التي تسمى مايكرو
لكن تخدم على جهاز معين افضل من جهاز

انا افضل منتجات "سان دسك" الامريكيه وهي من اخترع فكرة الذواكر التي اصبحت الآن بديل للهاردسك HDD بما يسمى بهاردسك SSD

وايضا منتجات "اميشن"