واخرتها يعني !؟

هذي قاعدتهم لازم يخلونا نعاني شوي عشان يفلوا هم
ومو حاسين عندهم حسابات تكفي قبايل
بس حسبنا الله ونعم الوكيل على من كان السبب
نحن نقول الحمد لله حالنا شوي احسن
في غيرنا ايجار ماعنده
وولا خدمات يسددها حتى لافواتير كهرب ولاماء
وعاطلين من حوله مشي حالك لازم نكابد

انا اقولك السبب الشبه رئيسي هو العماله العامل جاي من اقاصي الارض هدفه التدمير ويحتكرنا ويرفع الاسعار وعنده الف حجه وسبق تحدثت عن هذا ( التحكم في المال والغذاء ينتهي بالتحكم في البشر ) لذلك الحل الوحيد هو طردهم وبعدها نعرف الي لنا ولي علينا عشان ماحد يتستر عليه وازيد على كلامك الريال خذها من عندي بعد فتره بتقل قيمته الشرائيه لعدة اسباب يعني المشكله الاقتصاديه لو ماتم حلها الان بتكون اكبر بعد 10 سنوات

بلد الامن والامان 31 ألف حالة سرقة سيارات في منطقة الرياض خلال شهر واحد
وأن ضل الوضع زي ماهو مانقول الا الله يستر وش راح يصير بعد

1. بقلم: المحترف123
ماشين وعيونا وخشومنا ورجولنا تكح الدرب يالمحترف والحمد لله ..

2. بقلم: Investt
صحيح ولكن الذرة في بحر ما تأثر بالمحيط العمالة الاجنبية يالخوي مشكلة المشاكل والكل عارف لكن صدقني واقول الكلام هذا وانا واثق منة 1000000000% حتى لو طردت العمالة راح تقدر تطرد العمالة اللي يتحكم فيها اصحاب الدخل المحدود والدخل المتوسط اما اصحاب الدخل العالي والواسطات والمعالي والفخامات العمالة من عندهم منطله بالشوارع ولا فيه من يقدر يقربها وفوق هذا يمكن مروا عليك او على احد من الشباب تلقى الاجنبي يزفر وينفخ بوجهك انت يالسعودي ولا كنك قدامه شي كأن الوضع معكوس حنا العماله وهم اصحاب البلد والسبب لان كفيله اللواء الفلاني والوزير الفلاني ورجل الاعمال الفلاني والامير الفلاني فما تقدر تعطس جنبه حتى وتقول الحمدلله ... فلو كانت النظرة صحيحة يبيلنا نبدى من الراس عشان الكل ما ينداس ..

3. بقلم: brozaak
وانت الصادق اقرى يا سيدي الفاضل

كشف إحصاء أعدته «الشرق» عن سرقات السيارات في المملكة خلال الفترة ما بين شهر رجب لعام 1434 هـ وشهر ربيع الآخر لعام 1435 هـ أن شهر محرم من العام الهجري الفائت شهد نشاطاً مكثفاً من قِبَل سارقي السيارات، إذ تمكنوا فيه من سرقة 41 ألفاً و284 سيارة، استرد الأمن منها 4 آلاف و538 سيارة. وبذلك يكون محرم لعام 1435هـ استأثر بما يزيد على أربع أخماس سرقات السيارات خلال الفترة التي تناولها الإحصاء.
ويُظهِر الإحصاء أن عدد السيارات المسروقة خلال هذه الفترة (وهي 10 أشهر) بلغ 50 ألفاً و774 سيارة، وهو ما يثير تساؤلات عن سبب استحواذ محرم من العام الفائت بكل هذا العدد. ويشير الإحصاء إلى تصدّر الرياض قائمة مناطق المملكة من حيث عدد سرقات السيارات بـ 3 آلاف و671 سيارة، وعدد السيارات المستردة بـ 2084 سيارة بنسبة استرداد بلغت 56.7 %، ولا تشمل هذه الأرقام والنسب ما سُرِقَ في محرم 1435 هـ. ويقول المتحدث باسم شرطة العاصمة، العقيد فواز الميمان، لـ «الشرق» إن الأمر ليس مفزعاً «إذا ما علمنا أن ثلث سكان المملكة يعيشون في منطقة الرياض».

وش باقي بعد اجل اثبات ان العالم تبي تاكل بعضها

المفروض تنزل الاسعار مع نزول سئ الذكر البترول
ولكن للاسف يوجد هنا ناس ما ترحم
حسبنا الله ونعم الوكيل

الحل هو : كلام الله سبحانه في سورة نوح
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا. يُرْسِلِ السَّمَاءَ عَلَيْكُمْ مِدْرَارًا. وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا} نوح/10 - 12))

أي شي عندنا يرتفع ما ينزل وأي أزمه في أي بلد من بلدان العلم لازم نتأثر فيهاوالأدهى ما نعرف كلمة لا ولا مقاطعه ولا شكاوي لأعلى السلطات وبالأ خير نصيح ونرضى بالأمر الواقع
لأكن هل جربنا يوم نقول لا أو نوقف بوجه التجار أو نقاطعهم
أكيد لا
خلونا نغير المعاد له زنقول نعم وتشوف النتيجه
تحياتي للجميع

النقد قلت قيمته في جميع أنحاء العالم مو بس حنا ...
التاجر يشتري غالي لازم يبيع غالي ويكسب .
حنا بلد مستهلك فطبيعي كل شيء يغلى .

ابشر بالخير

البترول وطاح سعره

اليوم واصل 68 للبرميل

يعني الاسعار غصب عنهم راح تنزل

الا النفط لانزل يدعموه مو عشاننا عشان منظمة اوبك مسوين زعيمها على حسابنا
قمة النصب وجايه على حسابنا في اعتلاء الغلا والوباء على الشعب ومو مستفيدالا الاجانب
من اتو الى الوطن ماعاد لنا الا الوظايف ونقول يالله غدا نلاقي لعيالنا وظائف والسعوده التجنس منهم واجد يقولوا معاهم شهادات وفاهمين يساهموا في التقدم للوطن احسن ومنفتحين هم وعوائلهم ههههههههه ينفعوهم اكيد مو الكل طبعا
يعني الي فوق ياكل والي تحت ياكل من اسفل شي ويقول يالله العفو

قريبا 48 انشاء الله

تعليقي على صاحب الموضوع
كلامك عين العقل
لكن



لو تفكر شوي تجد ان غالبيه مشترياتنا ترفيه وليست ضروريه

يعني

ايفون 3000 ريال ليش فيه كشاف 90 ريال
لا تقول لي ابي واتس وووو طيب سامسونج 370 ريال فيه كل البرامج


اجار وعقار ووو طيب
بدال ما تسكن في الشمال الاجار 45 الف اسكن في جنوب او غرب الرياض مثلا 18 الف الشقه




صدقني كل شي له بديل
لكن حنا ذبحتنا المظاهر



المظاهر هذي بتفلس الشعب



يا رجال الحين نقاشات الحريم وين سافرتو رحنا لدبي !! وع فيه احد يروح دبي حنا رحنا لاوووووربا يا كبرها بحلقها
قسما بالله اعرف واحد قسما بالله يتسلف لاحظ (((((( يتسلف ))))))) من اخوانه علشان يسافر اوربا



يقول لي اخوه جاي يبكي عندي في الليل ارجوك تكفى سلفني يقول رحمته وسلفته 5 الاف يقول بعدها باسبوع في عزيمه حريم جت زوجته لابسه فستان 7 الاف ريال يقول تهاوشت مع زوجتي تقول الحين حارمنا وتعطي اخوك علشان يشتري لحرمته فستان بسبعه الاف





مشكلتنا العقوووول


واذا سالته ليش قال مضطر



مضطر تشتري ايفون 6 3400 ريال
مضطر تشتري فستان بالقيمه الفلانه لزوجتك
مضطر لخدامه
مضطر تسكن في الشمال او في الاحياء الغاليه
مضطر تشتري بي ام دبلوي او اي سياره حديثه



على طاري السياره


انت يبو راتب عشره الاف اشتر هونداي النترا موديل 2007 تلقاها بالطعش
لكن هل بتشتريها طبعا لا


تبي اكورد 2015 والا كامري والا افالون والا تورس والا والا والا



لا تزعلون يا جماعه الخير





الي يشوفكم في الاجازات
والي يشوف سياراتكم
والي يشوف زحام المهابيل على ايفون 6 في جرير
والي يشوفكم في ماليزيا واوربا ودبي في الصيف


يقول هذولي اغنياااااااااء






يعني مظاهر



زي اللبنانيين بالضبط
تلقاه ساكن في عشه وخرابه وفقير ومنتف بس لابس كرفته ومتعطر تقول باشا














هذا واقعكم





كل شي له بديل

وصبرك على نفسك ولا صبر الناس عليك

وعلى فكره يبو نفط

اذا نزل قيمه النفط بتروح المزايا والعلاوات الاضافيه
يعني الاغنياء بيزيدون غنى والفقراء بيزيدون فقر


سياسه التقشف تعرف وش معناها انت واياه


يعني ما فيه خارج دوام
مافيه انتدابات
مافيه علاوات
مافيه مكافأات
مافيه تعيينات
مافيه استحداث وضايف
ارتفاع رسوم الخدمات مثل الجوازات والمرور ووو
مافيه تعويضات
وافيه دعم للمواد الاساسيه الغذائيه




لاتفرحون لنزول النفط ابشرو بالفقر

هج من الرياض وتعيش رح للمدن الصغيره شقرا المجمعه وابعد عن الاقارب بس بشرط ان زوجتك واولادك يتحملون وتشوف كيف ينمو مالك وتمثر البركه

احترامي للجميع بكل تأكيد

12. بقلم: نجدي2001

بالنسبة لردك ياغالي ما نختلف فيه فيه مجموعة منهم يحبون المظاهر على عيني وعلى راسي لا واعطيك اكبر ناس تحب المظاهر عشان تتأكد مضبوط والكلام لك ياجارة ..

صار زلزال في افغانستان ... خبر عاجل خادم الحرمين الشريفين يدعم الشعب الافغانستاني ب 500 مليون ريال سعودي

صارت هزة ارضية في بنجلادش ... خبر عاجل خادم الحرمين الشريفين يدعم الشعب البنجلاديشي ب مليار ريال سعودي

المنتخب مو راضي يفوز ... تم دعم المنتخب بمدرب يتقاضى 50 مليون ريال سنويا ..


والامثله واجد والعارفين كثار فصدقت حنا نحب المظاهر بالتأكيد !!!

اما بالنسبة للشعب فنا اريحك بمثال بسيط اكمال لما ورد تقول اسكونوا في اجار رخيص بقول على راسي ولا يهمك وينه ؟ بتقولي مافيه جوى المدينة دور بالاطراف بقول على راسي وانا كيف بنتظم بدوامي لا صار المشوار بعيد وكيف اوصل الحرمة شغلها وكيف اوصل العيال مدارسهم ؟ بتقولي ياخي اسكن و اشتغل في منطقة على قد حالها !! بقولك حاظر ولا يهمك عطني منطقة على قد حالها تعطي رواتب محترمه ؟ بتقول يا رجال اقبل بالمقسوم ابقول تم ولا يهمك امنا بالله ابقبل 5000 الاف ولا يهمك وابشتري مو النترا الا صني حاظر كم قصدها 700 ريال حاظرين كم بقالي 4300 وعندي بنك التسليف يبي 750 قرض الزواج وبقالي 3550 وعندي اجار شهري 1500 بقالي 2050 وعندي فاتورة كهرب 200 ريال ترى رخصتها مرة وكم يبقى 1850 ويبيلي شحن جوال اريحك ولا يهمك اخذ خدمة حقت شهر 199 يبقالي 1651 ولو تلاحظ ترى انا جالس احسب الاشياء الضرورية مابعد حسبت مقاضي البيت ولا مصروف المدارس ولا ولا ولا

فياخوك المسألة ماهي مسألة مناطق رخيصة ومناطق غالية نعم فيه الرخيص بس الرخيص بتلقى السكن متهالك وبتلقى الرواتب ضعيفه وبتلقى ماحولك احد فحل المشكلة بسيط وانا بأعتقادي اعبر عن الاغلبية بكلامي هذا

حنا نبي نكون امة وسط ورب العزة والجلالة وسط مانبي نطالع فوق وننكسر ولا نطالع تحت ونزلق فيا مسؤولين الله يجزاكم بالخير لا تظلمون ولا تظلمون خلونا على زي ماقالوا زمان نمشي على الساس ونقول يارب استر الناس

الاجنبي يحقد على ابن البلد بأستثناء جنسيه معينه او جنسيتين في الحد الاقصى فلذلك توقع ارتفاع الاسعار توقع تلاعب وتستر السعودي بحيث يكون ارتفاع الاسعار مجهول لاكن كل شئ مكشوف الانترنت كشف الامر