مساعده مسافر دبي بر

من جده الى الرياض هذا اكيد انت عارفه طريق سريع ومنظم.
بعد الرياض الخرج 80 كلم سريع.
بعد الخرج التوضيحية 80 كلم خط واحد ويوجد فيه تحويلات لأنهم يعملون خط سريع.
بعد التوضيحيه حرض تقريبا 100 كلم خطين بس بدون سياج .
بعد حرض البطحا اللي هي الحد تقريبا 250 كلم خط واحد رمال متحركه نهار وابل وزحمة تريلات خصوصا من العصر الى 10 مساء
المحطات قليله من بعد التوضيحيه الى البطحا يعني احسب حسابك تعبى بعد الخرج وبعد حرض توجد 3 محطات تقريبا قبل الحد، أنصحك تعبى من محطات داخل حد السعوديه لان الأسعار داخل الامارات تقريبا 3 أضعاف السعر فالسعوديه .
طبعا اذا دخلت منفذ الغويفات داخل حد الامارات يبي لك 350 كلم على ابو ظبي وبعد 150 كلم الى دبي.
الكليوا مترات تقريبيبه لكن قريبه .
محطات البنزين داخل الامارات قليله على الخط السريع لكن جداً متكاملة .

الكاشف

الله يجزاك الف خير

افهم من كلامك ابوظبي قبل دبي

من الرياض باتجاه الخرج طريق سيء
انصحك تطلع من الرياض
باتجاه الدمام
100 كلم تقريبا
تاخذ مفرق منتزه سعد
ومنه للهفوف
ثم سلوى ثم البطحاء
المسافة حوالي 600 كلم
تدخل بعدها الامارات
وبالسلامة ان شاء الله

أنصحك بتحميل تتطبيق copilot خرائط ناطقه بالعربي

حملته مجاناً قبل فتره ما ادري ان كان مازال مجاناً

والله يوصلك بالسلامه

اخوي اسنان

تقصد اخرج من الرياض باتجاه الدمام؟

المسافه 600 كيلو من فين لفين بالضبط

اخوي سعود

عندي برنامج ملاحي في السياره انشالله يفيدني

اي نعم اخوي
اتجه من الرياض باتجاه الدمام
100 كلم وبعدين تخرج باتجاه منتزه سعد
المسافة اللي اقصدها هي 600 كلم بين الرياض والبطحاء
وهي نقطة الحدود السعودية الاماراتية

أول اماره هي ابو ظبي وجنبها
بني ياس وتعتبر صغيره جداً
وبعدهم دبي ب150 كلم
الشارقه بعدها ب20 كلم
وعجمان جنب الشارقه وأم القوين بعدهن ب40 كلم.
اذا تبغى العين فهي مع مفرق ابو ظبي ، هي تلف يمين 150 كلم وأبو ظبي يسار 30 كلم.
ودام معك برنامج ملاحي ماراح تحتاج ان شاء الله مرشد ، لان كل شي هناك تمشيه

أنصحك بالحجر من السعوديه لشقق لان الشقق في دبي وان عندهم لا يقبلون ويرغبون بحجز البويكنق لانه مدفوع القيمه لمده أكيده مو يجي واحد يحجز خمسه ايام ويلقى برا أرخص ويروح لهم

وأحسن منطقه لأنك اول مره بر دبي

وأنصحك بحكم انك اول مره خلك بدبي لا تتعداها وانت راجع خذلك يومين في ابوظبي مافيها الا عالم فيراري ولاهو بذاك الزود وفيها حديقه مائية خياااااااااااااال
والله يوصلك بالسلامه

الله يجزاكم الف خير اخواني

كفيتوا ووفيتوا

بالسلامه ان شاء الله

من تجربة قبل سنوات رحت بالسيارة من الرياض لدبي وبصراحة حرمت بعدها اروح على سيارة الطريق متعب جدا والمسافة طويلة وخاصة بعدما تدخل الامارات الى دبي مع انها 400 كم الا انها عن 800 كم مع ان معي بالسيارة اثنين من الزملاء اللي يحبهم قلبك لكن مثل ما قلت ملينا من الطريق ووصلنا تعبانين وما استفدنا من اول يوم وبالرجعة مثل
نصيحتي تذكرة ولو كانت ب2000 احسن من السيارة ولا تنسى ساهر يمكن ياذ منك اكثر من قيمة التذكرة اضعاف طعني والله اني ناصح لك وانت حر وعسى الله يوفقك للخير

لا يمكن تجد حجز

حبيت اروح بالطياره لاكن مع الاسف سعرها مضاعف الان مع اسبوع الاجازة

وزارة النقل لو كان سوت قطارات سريعه بين المدن مرتبطه بدول الخليج

انا برأي الشخصي ان الجزيره بين خط الطائف الرياض كافي لإنشاء قطار سريع وبشركه مستثمره تدفع مليارات للسماح لها بالاستثمار
يعني ارض مجانيه وفوقها مليارات وآلاف الشباب يتوظف

ويطبق ذلك على جميع الخطوط السريعه

روح طائرة وأشتري راحتك ، انا من الرياض ومستحيل اطلع بر لأني حرمت اطلع بر خصوصا عائلة ..
الطريق جداً ممممممل والمنفذ يمكن يكون النظام متعطل وتأخذ لك لطعه حلوه ابو خمس ساعات تكرررهك بالروحة وتخليك تنفس وتعصب على زوجتك وعيالك الله يحفظهم ..
وبعدين وش فيها دبي يستاهل كل هالمرمطة ، اقلبها تركيا أوفر لك وتشوف حاجات جديدة .
بتروح هناك كانك داخل أسواق العويس 😜كلهم ربعك..

أتمنى لك إجازة سعيدة

الرياض - الخرج - حرض - منفذ البطحاء ..
المسافه من الرياض لدبي تقريبا 1000كليو

المسافه من جده لرياض تقريبا 800 كيلو

المسافه من الرياض لدبي تقريبا 1000كليو

المجموع = 1800 كيلو

اجمالي 3600 كيلو

اشوف الطيران ابرك

هل استطيع استخدام كرت العائلة للذهاب الى دبي

الخروج لدول الخليج سواء الرجل او المرأه إما بالجواز السفر او الهوية الوطنية فقط.
كرت العائله ماينفع .