قصه طريفه لي في موقع مستعمل

السلام عليكم ورحمة الله
سبق لي وكنت عارضه سلعه في هذا الموقع المبارك وكانت على السوم
في واحد رد علي كانت سومته ابخس شي في الحياه ... ضحكت على سومته وقلت في خاطري: تولم بس ابيعك بذا السومه من باب التريقه ومادريت انها مكتوبه له سبحان الله ..
وجت سومات بعدها لما استقرت على اعلى سومه وهو شخص كان اسمه مقارب للي بخسها لكن وقتها مانتبهت للنك نيمات ولا همتني
جا وقت اني اخذ رقم اعلى سومه من صندوق الرسايل
بقدرة قادر اخذت رقم اللي سامها برخيص لتشابه الاسماء بدون مااحس سبحان الله عطيت الرقم اخوي عشان يتفاهم معه وقال الرجال انا مشغول ممكن تحطونها بالمحل الفلاني وانا احول الفلوس بعدين قلنا خلاص مو مشكله وتمت العمليه لما جا وقت التحويل لقيناه محول اقل من المبلغ بكثير قلت لااااه اكيد لعب علي كلمناه ع الجوال مارد ارسلت ع الخاص للشخص الثاني صاحب اعلى سومه بنفس الموضوع من خلال الردود ليش تحول اقل من سومتك قال ماوصلني شي ولا حولت شي ولا جاني اتصال منكم استغربت
رجعت لصندوق الرسايل لقيت الرقم اللي اخذته رقم صاحب اخيس سومه ههههههههه وارسلت له قلت ترا البضاعه جايتك بالغلط وجت سومات عليها اضعاف سومتك بس ربي كاتبها لك و حلال عليك ،،،