الواتس اب والبي بي في خطبة الجمعة

السلام عليكم ورحمة الله وبركاته
الله يحيي الوجوه الطيبة
حبيت الفت انتباهكم يا جماعة الخير
واعرف ان اغلبكم تحبون النصيحة لكم ولغيركم
صليت مرة في جامع البواردي في الرياض عند الشيخ الفاضل محمد العريفي
طبعا كلكم عارفين ان خطبه تدخل القلب وكلامه عسل
بس في منظر شفته وما عجبني بالمرة والله انه نرفزني
يعني يقولك لو لمست الحصا في خطبة الجمعة يمكن ما تقبل منك صلاة الجمعة
والله انا وصلت متاخر ورحت للدور الثاني وقعدت عالكراسي اللي في الاخير وجلسو جنبي اثنين واحد معه بلاك بيري والثاني شغال في الواتس اب
والله ان تقريبا اكثر من نص الخطبة وهم شاغلين عالواتس المشكلة اني ما اقدر اقولهم شي لاني ما اقدر اتلكم والامام يخطب والله اني انقهرت
طلب بسيط من هالوجوه الطيبة الرجاء ان كل واحد يكلم امام مسجده بهالموضوع على اساس ينصح الشباب انهم ما ينشغلون عن الخطبة بالتفاهات والنكت والبرودكاست وقت الخطبة
والله نصيحة وتعتبر اجر لك ولا يلهون الناس عن الخطبة
والله ان صوت طقطقة اصابعهم وهم شغالين عالمحادثات يدق في اذوني
يا ريت يا شباب انكم ما تنسون كلن يكلم اما مسجده للنصيحة وشكرا