ابي شوركم بطاقة البلاد مداد مداد ...,,,:::

نكبتني بتركيا
حجزت فيها عن طريق بوكنق
وبعض الفنادق سحبوا الفلوس علطول من وقت حجزي
وبعض الفنادق وانا عندهم هناك قالوا جب الفيزا ومرتين بفندق هناك عيت تسحب بالطريقتين
برقم سري او بدون رقم سري ,وطلعت لصرافه سحبت فلوس وجيت اسحب فلوس مره ثانيه بلعتها الصرافه
طبعاً المشاكل هذي صارت بسفرتين وببطاقتين مختلفتين وبنفس الدولة

يعني يالغالي ماتنصحني دام به مشاكل البعد افضل

المشكلة الموظف يقرب لي ويمدحها مادري له عموله ولا زينه يقول غير ربوية وتشحنها متى مابغيت ومن الكلام

زي ماقلت لك بطاقة ماتوثق فيها
تخونك باي وقت
علمه بسالفتي وشوف وش رده

طيب اجل ابروح للراجحي اخذ تسوق


باقي الاعضاء وش شوركم فيه

انا معي من سنة بطاقة مدام

لم اواجه اي مشكلة بالسفر او ايجار سيارات وفنادق

وافضل مافيها الشكل كانها بطاقة فيزا عادية وحروفها بارزه

لكن المشكله سعر الصرف لك عليه شوي

باقي النواحي البطاقة ممتازة

افضل بطاقة تعطيك سعر صرف كويس هي الاهلي

واهم شي اذا بتاخذ من الراجحي او الاهلي اطلب المحفورة .. الراجحي لو رحت الفرع تاخذها بنص ساعه لكن بيعطيك مطبوعه الارقام وهذي ما تقبل ببعض الدول وكذلك مكاتب ايجار السيارات .. اذا تبي راجحي محفورة اطلبها بالهاتف المصرفي وراح يرسلوها لك بفيدكس.

تحياتي

الاهلي كلمتهم تو قالي خويي موظف هناك رح للراجحي افضلك اللي عندنا غير محفورة ؟

انت بالرياض. نخدمك

مداد معي من سنتين

جدا ممتازه ولابعد سوت معي اي مشاكل

من مميزاتها تحول لها فلوس وتقدر ترجع الفلوس للحساب الجاري مجانا وتقدر تسحب بها من خلال الصرافه مجانا

بعض البنوك ياخذون رسوم على العمليات هذي تصل لعشرين ريال في كل عمليه

معي من سنتين ممتازه كل تجاربي الحجز عن طريق المواقع
وكذلك استخدمتها في الامارات ممتازه

المداد من الله الله يرزقنا وياك ويغنينا من فظله

الله يعطيك العافية طلعت واحدة الحمدالله