حادث+تأمين شامل+موديل العام الماضي

السلام عليكم
الله يكفيكم ومن يعز عليكم الحوادث
اخواني صار علي حادث وسيارتي نظام تأجير منتهي بالتمليك ، السيارة مرسيدس موديل العام الماضي 2017 دافع منها 17 قسط سنة ونص تقريباً
طلب مني التأمين اخذ السيارة للوكالة لتسعير الاصلاح
التأمين قرر ان السيارة تالف بعد مارفض تسعيرة الوكالة (اكثر من 200 الف)
طلب مني اخذها من الوكالة واتوجه لشيخ المعارض يسعرها وكلنا عارفين وش النتيجة هناك
سمعت من الشباب ان السيارة اذا راحت تالف وهي موديل السنة او العام الماضي يجي التعويض قد قيمتها اللي اخذتها من الوكالة !
ابي اعرف هل لهم حق يوجهوني لشيخ المعارض او كيف اتصرف عموماً ، عارف ان الاقساط = اجار بالفترة اللي راحت لين وقت الحادث / لكن بالنسبة للدفعة الاولى
تروح علي ولا شالسالفة؟؟؟؟؟؟!!!!!!
وعلماً ان البنك والتأمين نفس الشي (إليانزSF/البنك السعودي الفرنسي)
هو القاضي والجلاد وانا الجاني والمجني عليه ...!!!

اي احد عنده لو فكرة بسيطة او تجربه مع التأمين والبنك ذولي يعطيني تفاصيل ياشباب تكفون 😞