أعطيني رايك في هذه السيارات )) وخذ مني دعوه...

تبي الصدق استخير وتوكل على الله

1=الاستخدام = تويوتا- يوكون- اكسبدشن
2= التحمل = تويوتا
3= الاكثر عمر= الأكثر صيانة وعناية
4=قطع الغيار= متوفرة للجميع والأغلى هو الفورد
5= القوه بالبر والتحميل والسفر= كلها سيارات ثقيلة وقوتها في البر محدودة، إلا أن اليوكون هو الأرحب والأريح.
6= الارخص قيمه= الإكسبدشن
7=افضل وكيل خدمه= تويوتا
8=توفر قطع الغيار= كلها متوفرة
9=اسعار قطع الغيار= تويوتا الأنسب، واليوكون ليس ببعيد
10= استخدم العائله= اليوكون
11= الي تمسك سعرها بالسوق.= ممكن اليوكون
12= الاوسع )الحجم الداخلي (اليوكون
13= الاقوي في 4x4 = راجع المعلومات الفنية لكل منها

إذا كنت محتار بين هذي السيارات فلكل منها إيجابياته وسلبياته وكلها سيارات معروفة واعتمادية، يمكن الاسكويا غير مرغوب كثير في السوق لكن وكيله قوي والمصنع شركة تويوتا أثبتت نجاحها في العالم فهي تصنع سيارات اقتصادية واعتمادية في نفس الوقت، واللانركروزر أفضل ما صنعت هذي الشركة في رأيي
أما الجي إم سي و الشفروليه فهي سيارات قوية وواسعة للعوائل ومريحة في الخطوط الطويلة وقطع غيارها متوفرة وتمسك سعرها أكثر لو كانت قصيرة

والصيانة المستمرة والمحافظة وحسن الاستخدام عوامل مهمة قد تطيل من عمر أي منها

اقواها السيكويا بمحرك 5.7 لتر

انحشششش من السيكويا
الجوده رديئة

اليوكن يجمع لك كل المواصفات اللي تحتاجها وسعره بعد البيع طيب احسن من غيره

ممكن توضحلنا موضوع الجوده في السيكويا يا اخ sa1
لاني اشوف احد الشباب معاه 2009 ولاشاف منه الا كل خير وكارفه كرف
عموما عندنا 2012 للاهل وماشفنا منه الا خير واسد ماشاء الله عليه
انصحك فيه

رئيس حركة سيارات في وزارة واقولها

اليوكن مافيه كلام واحلى بدون دبل
الاسكويا نفس الكلام بسس القطع تقطع القلب شوي
الاكسبديشن ماعليه وهو اخر خيار اذا بتاخذه سعودي

كل السيارات المذكوره موجوده عندنا بالعمل اليوكن والتاهوا نكده كد من عام 2005 الى 2013

الله يجزاكم خير.
نامل المزيد.

تبي الغالي : لاند كروزر 8 سرندل ساعة رولاكس مكدة وشيك عند البيع : اما السيكويا تراة يفرش على الخط وتفحش كفراتة وهو محمل ركاب او عفش او كبير والسيارة الصغيرة ماتشوفها اذا كانت على الجانب الايمن الامامي حتا الطفل طول 70 سم ماتشوفة لوكان جانب الكفر الايمن الامامي , التاهو معروف حق خطوط شفر والكدادة اصحاب الخطوط من اول سيراتهم شفرات ومر غوب عند البيع :اليوكن معروف فية القوة والتحمل لاكن ثقيل ومطبة تحس فية خاصة في البر والجمس معروف بقوتة : الاكسبديشن واسع وناعم ولاتحس في مطبة ولا تمل منة على الخط الطويل ومراتبة مريحة بلحيل وقوة او تحمل , مشكلتة تضرب المساعدت الخلفية لو كان جديد والفرد معروف عند البدو والحضر ما يقطع الصحاري الى الفروت من اول : لاكن عندك وكيل مرة يطلع سعرة فوق او مرة يبخسة تحت كل يوم حاط لة عرض : اوهذا مهب زين ينزل من قيمة السيارة عند البيع , والله المستعان

للأسف ماعندي معلومات دقيقة
بس ارى ان الامريكي يكون ستاندرد افضل

عند نسيبي اكسبديشن 2010 ستاندرد بصراحة ماشاء الله ماعمره اشتكى منه


لا تنساني من دعوه صادقه فأنا في امس الحاجه اليها

الافضل وكيل صعب تحدد لكن كل وكيل له ميزه

على العموم الاكسبدشن وتوكل على الله فيه جميع ماتبغاه . عدى الوكيل لا علم لي به

الله يجزاكم خير
ويرحم والديكم وبجعل الجنة مثواكم ووالديكم وذريتكم.
.
.
.....المزيد

احترت والله
الشفرXL
الفورد XLبدشن

اكسبدشن وهذا الكلام كلام ميكانيكي سيارات هو المركز الاول

الافضل التاهو مرره حلوو وارخص من اليوكن وحمار مكده ومريح وسعره فيه ما ينقص واجد ودبله طيب وارخص من اليوكن

1- (ج)
2- (ج)
3- (ج)
4 -(ج)
5- (ج)
6 -(ج)
7- (ج)
8- (ج) عمري ما دورت قطعة في الوكالة و ما حصلتها
9 -(ب)
10- (ج) و بكل قوة!
11- (ب) سمعة بس... (أ) جديد بالسوق، (ج) العرض كثير في السوق يؤثر على أسعار إعادة البيع
12- (ب) ، (أ) بيانات غير متوفرة (ج) ملاكها يمدحونها من ذي الناحية "ممكن تتأكد من منتدى ملاك اكسبيدشن
احب أضيف إن مع التحسينات الميكانيكية (محرك جديد 6 سلندر ، 370 حصان على الأقل، نظام ترفيه من سوني ، شاشة ...الخ) و شكل مطور ، فورد خيار يحسب له ألف حساب...THE WINNER!
12- (ج) الطويل أوسع سيارة في فئتها على الإطلاق!

عندي اكسبديشن 2008 مطلعه من الوكالة , سافرت الى الاردن كم مرة , الى مكة مرات

أكثر مع العائلة ومع الاصدقاء , ما شاء الله كل ما زاد الوزن زاد قوة , القطع اراها عادية ولم

تتطلب السيارة غير القطع الاستهلاكية , أسال الله أن يختار لنا ولك خيريّ الدنيا والآخرة

وللمسلمين .