قصة منقوله للعظة والعبرة،،غضوا البصر اخوتي

.. قصتي اليوم للاسف انها واقعيه صارت لاحد الزملاء عندي .. طبعا اعتذر عن سرد مثل هذه القصص ولكن بقولها للعظه والعبره .. هذا واحد من الزملاء تقريبا له خمس سنوات متزوج يقول طويل العمر كنت مع زوجتي في السوق نتقضى ونتمشى في ها السوق يمين ويسار لين دخلت محل واشوف ذيك البنت اللي تصرع الطير من السما طبعا حاولت اشغل نفسي مع زوجتي لكن ماش طاحت عيني بعينها حاولت اتصدد لكن للاسف هي كملت الناقص وبدت تناظرني وتلمح وتغمز يقول انا هنا رحت وطي يقول جلست اقول في نفسي استح علي وجهك هذا كبرك وطايحلي بالتغزل اذا ما احترمت نفسي و سني احترم زوجتك على الاقل وفوق هذا كله ربك ...
يقول هذيك الساعه لعب علي الشيطان وتبعت شهواتي .. يكمل ويقول طلعت من المحل انا وزوجتي الا هي وراي دخلنا المحل الثاني وهي وراي يوم شفت الوضع كذا قلت يارجال مالها الا الرقم نعطيها ونرتاح بعدها جلس يتهجج من زوجته عشان يصفا له الجو وبالاخير عطاها الرقم ... يقول بعد اقل من عشر دقايق ويدق جوالي واشوف الرقم غريب !! قلت لها الدرجه البنت ملهوفه لي شكلي توم كروز على غفله !! رديت على الجوال ..
الوو كيف حالك واخبارك يقول يوم انها قالت لي اسمع ياولد الناس الحين تروح قدامي لصرافه البنك وتسحب الفين ريال وتجيبها لي ولا والله العظيم لاروح لزوجتك و اوريها رقمك عشان تعرف كيف ترقم بنات الناس !!! يقول انا هنا انجن جنوني تمنيت الارض تنشق وتبلعني وين اودي وجهه ..
يقول وامشي والبنت وراي تمشي اخذ يمين ومعي يمين يسار ومعي يسار يقول لين قربت من الصراف واروح اصف سرا لين يجي دوري واقول لزوجتي امسكي المفتاح روحي السياره وشغليها واجلسي لين اجيك بسرعه قالت طيب ..
والبنت واقفه وراي تنتظر على بال ما جا دوري لسحب تاكدت ان زوجتي امداها تركب وتشغل السياره رحت ودخلت الصراف واسحب مبلغ قليل علي اساس اني ساحب المبلغ اللي تبيه اول ما نزل المبلغ اخذه ودزز لسياره وركب ومشى و زوجته تقول وشفيك وش جايك قال لابس جاني اتصال فلان صار عليه حادث ومن ها الكلام طبعا بها الوقت البنت جالسه تدق وتدق والرجال مايرد وتدق وتدق بدون فايده بعدها لين ضمن الوضع ونزل زوجته في البيت راح وكلم البنت يقول بكل وقاحه جالسه تضحك وتقول احمد ربك فلت مني وتقوله احمد ربك تراي شفتك منتف ووجهك يسد النفس وطلبت منك الفين ريال بس ولا غيرك طلعت منه اربعه وخمس الاف 😨