البنوك تضع رسوم على عمليات نقاط البيع (الشبكة السعودية )

طبعاً الالف فيها ثمانيه والمبدأ مشاركة حلال
من النهايه الطرفيه الأخرى اللي هي البنك بيسميها رسوم اداريه...
عالعموم
في امريكا عام 2011 اكتوبر جا بانك اوف اميريكا (بنك الراجحي حق امريكا يعني) يعني بنك منتشر ومستشر في امريكا ،،، الزبده جا يبي يحط رسوم على بطاقة الصراف شهري على حامل البطاقه
اليوم الثاني وامريكا زعلانين منهم حتى اوباما علق على ذالـ(ـنيه) وصرح انهم اذا طبقوا ذالنظام فالحل سهل: قفلوا حساباتكم ...
طبعاً بيطفر البنك او عالاقل بيدقر تدقيره عويصه

نرجع للواقع

حنا ممكن نسوي نفس الحركه ،،، ويقاطع التجار البنك اللي بدا ذالحركه...
بكل سهوله الغ قبول بطاقات ذالبنك
واذا كثروا البنوك الغ الشبكه كامله مالك الا هذا الحل

عموماً وبنظره اوسع يظهر ان البنوك اخذت موقف هجومي بدلاً عن دفاعي نظراً للظغوط التي واجهتها مسبقاً من قبل ناس كبار وجداً
يظهر ان البنوك خافوا فقاموا يبدأون بالخطط الهجوميه...

عالعموم عسى هالحركه تكون من بنك واحد فقط
الفيزا عاد ماعليها شرهه... محد مجبور عالفيزا مثل بطاقة الصراف...

هذي والله اعلم نظام مدى الجديد الي تعلن عنه البنوك

*
*

الهند تعد من الدول البطيئة اقتصاديا وفقيرة مجتمعيا .. نقاط البيع متوفرة حتى مع سائقي التكسي ( لا سلكي بشريحة جوال ) .. هنا على المحال البنوك مسوين اشتراطات بسبب شركات الاتصالات مسوين عليهم غول تحت مسميات نطاق وطيف ترددي والامر واضح الاتصالات فقدت سوقها مع كثرة قنوات التواصل المكتوب والصوتي .. والله اعلم ..

المشكلة كل اخفاق يحصل يتحمله المواطن .. نرجع للكاش مافيه اشكال .

*

يسمى بنك الراجحي شكمان البنوك

مؤخره الشي ردائته لقب اطلقه رجال اعمال الرياض على بنك الراجحي


على سبيل المثال لو كان لديك مديونيه في اي شركه اتصالات او مخالفات مروريه لن تاخذ تمويل من الراجحي الا بعد سداد المديونيات السابقه ويقول لك انها مربوطه بسماء

تجد
بنك الجزيره والانماء لايطبقون ما يقوله الراجحي ويوجد بنوك اخرى لاتطبق ما يقوله الراجحي
ليس حب للجهات الحكوميه في خدمتها بحيث يلزم العميل على السداد بل ليضمن انه يستطيع بعد 6 اشهر ترويج تمويل اضافي للعميل واذا كان على العميل تعثرات ماليه فان مبلغ التمويل لن يكون مبلغ يستطيع الراجحي ان يقنع به العميل

اختر البنك الاقل مشاكل لتنعم بالراحه معه لاانصحك بالراجحي