سلام عليكم كلنا نعاني من طيار الراتب زمان كان يطير بنصف الشهر الان صار يطير من اول 7 ايام من الشهر و هاذا يدخلنا في دوامه التوتر و التفكير لاخر الشهر و تضطر تحرم نفسك من اشياء كثيره حتى ينزل الراتب لاكن فيه طريقه خطرت في بالي قبل سنة و جربتها و نجحت معي و صار اقدر اشتري كل الاجهزه الي فعلا احتاجاه و اروح للمكان الي ابيه و أتمشى انا و عيالي طريقه بسيطه للوصول للتوازن المالي اذا كان راتبك مثلا 8500ريال اولا طلع منه كل الاشياء الاساسيه *مثلا* 1400ايجار...450انترنت...600مقاضي للبيت...100كهرباء...100ماء...2500اقساط بنوك بعدا كذا تشوف انه باقي معك 3350ريال صافي قسم المبلغ هاذا على 4 بنود *بند النثريات*600ريال هاذا البند يكون لبنزين السياره و متطلبات البيت اليومية خبز و بيض و الاشياء اليوميه و الاسبوعيه من البقاله *بند الكماليات* 800ريال هاذا البند تستخدمه اذا كنت تبي تشتري جهاز للبيت ميكرويف قلايه غلايه اي شيء و اذا كان لا يكفي تجمع قيمه البند الشهر الاول على قيمه بند الشهر الثاني و كذا صار المبلغ يسمح لك تشتري جهاز اكبر و ايضا البند مخصص للاصلاحات المنزليه سباكه كهرباء *بند الترفيه* 1900ريال هاذا مخصص للتمشيات و الترفيه و المطاعم و العزائم *بند الصدقه* 50ريال او حسب استطاعتك ((ما نقص مآل من صدقه)) اي مبلغ يزيد من هاذي البنود اخر الشهر يضاف في صندوق خاص يكون مثل الادخار و اي مبلغ يصرف من اي بند يسجل في ورقه خاصه للبنود حتى تعرف كم باقي في البند و كذا حصلت على توازن مالي ولا تبعثر فلوسك بدون رقابه مبلغ 3350 تقدر تسوي فيه اشياء كثيره جدا لاكن اذا تخليت عن المطاعم و اعتمده على اكل البيت و اذا تخليت عن قهوه الصباح الي ب 15 كل يوم و خليتها بالمنزل و اذا تخليت عن شراء الاشياء الي ما تحتاجها أهم الخطوات 1/تسجل كل ريال ينصرف في ورقه مخصصه لتسجيل البنود 2/ اذا احد البنود فلس او معاد فيه فلوس لا تصرف من اي بند اخر *مثلا بند الطلعات خلص و تبي تطلع و تتمشى لا تطلع لانك راح تظر البنود الأخرى ولازم تعود نفسك تصرف على قدك 3/ البحث عن وسائل دخل اضافيه مثل العمل في كريم او اوبر او عمل اضافي او اي شيء يزيد دخلك 4/ الامتناع عن الديون و السلف و سداد القديم و احذر من سداد الدين بدين!!! _______ في النهاية المبالغ و الارقام الي فوق توضيحيه فقط اذا زاد الراتب زاده الارقام و ترفهه الحياه و اذا قله قل الترفيه و الجدول التوضيحي الي سويتها فوق لزوجين فقط بدون اطفال و اذا كان فيه اطفال يضاف بند مخصص لهم و اي شخص يشوف عنده اي التزامات اخرا يضيف بند مخصص لها بنفس الطريقه و يحاول يوصل للتوازن المالي و اعتذر على الاطالة و على اي خطاء بالموضوع...